Æskulýðsgáttin

Evrópustofa býður til kynningarfundar um lýðræðisþátttöku ungs fólks í gegnum æskulýðsfélög í Evrópustofu, Suðurgötu 10, Reykjavík, fimmtudaginn 29. mars frá kl. 16-17:30.

Á fundinum deila Bryndís Torfadóttir, Ragnar Þorvarðarson, Sindri Snær Einarsson og Una Guðlaug Sveinsdóttir reynslu sinni af nýafstaðinni fræðsluferð til Brussel um lýðræðisþátttöku ungs fólks í gegnum æskulýðsfélög (Active Citizenship – Youth Organisations). Ferðin var skipulögð í gegnum svokallaða ,,People 2 People” áætlun Evrópusambandsins, en viðburðinn sóttu 40 æskulýðsfulltrúar frá þeim löndum sem sótt hafa um aðild að Evrópusambandinu.
Bryndís Torfadóttir er formaður Félags ungra jafnréttissinna.  Hún mun kynna nokkur af vandamálum tengdum jafnréttismálum í Evrópu og hvaða tækifæri Evrópusambandið hefur að bjóða fólki og félagasamtökum sem hafa vilja til að bæta úr þeim.
Ragnar situr í stjórn AFS á Íslandi. Hann mun kynna Evrópusamstarf AFS skiptinemasamtakanna, regnhlífasamtökin EFIL og samstarf við ESB í ungmennaskiptum.
Sindri Snær er varformaður Landssambands æskulýðsfélaga. Hann mun fjalla um hagsmunabaráttu ungs fólks í Evrópu ásamt því að kynna Evrópusamstarf LÆF og starf European Youth Forum sem er Regnhlífarsamtökum landssamtaka æskulýðsfélaga og Alþjóðlegra æskulýðsfélaga sem starfa í Evrópu.   
Una Guðlaug er formaður vinnuhóps um lýðræðisþátttöku ungmenna á vegum Bandalags íslenskra skáta. Hún mun fjalla um upplifun sína af ferðinni og tengja hana við verkefni sem hópurinn starfar að.
 
Evrópa unga fólksins
Þá munu fulltrúar frá Evrópu unga fólksins (e. Youth in Action) einnig kynna starf sitt og möguleika í styrkjum og samstarfi en áætlunin veitir styrki fyrir ungt fólk á aldrinum 13-30 ára og þá sem starfa með ungu fólki. Á hverju ári veitir skrifstofan á Íslandi um 1.100.000 evrur í styrki til góðra verkefna. 
Vonumst til að sjá sem flesta á fimmtudaginn!

Í dag kl 16.00 býður LÆF aðildarfélögum sínum á kósý jólafögnuð! Fögnuðurinn fer fram á skrifstofu félagsins í Hinu Húsinu. Boðið verður uppá léttar jólaveitingar. Við vonumst til þess að sjá ykkur sem flest!

Góðan dag

Landssamband æskulýðsfélaga auglýsir 2. fulltrúaráðsfund vetrarins þann 29.nóvember.2011 kl 17.30. Á dagskrá er:

a. Upplýsingagjöf varðandi starfsemi félagsins sem af er starfsári og áform um verkefni á nýju ári.
b. Kynning á nýjum starfsmanni LÆF.
c. Umræður um laganefnd LÆF. 

Endilega tilkynnið um hvaða fulltrúi kemur á fundinn frá ykkar aðildarfélagi á netfangið youth@youth.is eða í síma 6624292.

Styrkir úr Æskulýðssjóði Mennta og menningarmálamálaráðuneyti auglýsir eftir umsóknum um styrki úr Æskulýðssjóði sem starfar samkvæmt lögum nr. 70/2007 og reglum nr. 60/2008.
Hlutverk Æskulýðssjóðs er að styrkja eftirtalin verkefni á vegum æskulýðsfélaga og æskulýðssamtaka:
1. Sérstök verkefni sem unnin eru fyrir börn og ungmenni og/eða með virkri þátttöku þeirra. 
2. Þjálfun forystufólks, leiðbeinenda og sjálfboðaliða.
3. Nýjungar og þróunarverkefni. 
4. Samstarfsverkefni æskulýðsfélaga og æskulýðssamtaka. 

Við úthlutun úr Æskulýðssjóði fyrir árið 2011 verður lögð áhersla á umsóknir frá æskulýðsfélögum og æskulýðssamtökum um verkefni er fjalla um mannréttindafræðslu og lýðræðislega þátttöku ungmenna í samfélaginu svo og samstarfsverkefni æskulýðsfélaga og æskulýðssamtaka.




Lesa meira