Æskulýðsgáttin

Í dag kl 16.00 býður LÆF aðildarfélögum sínum á kósý jólafögnuð! Fögnuðurinn fer fram á skrifstofu félagsins í Hinu Húsinu. Boðið verður uppá léttar jólaveitingar. Við vonumst til þess að sjá ykkur sem flest!

Góðan dag

Landssamband æskulýðsfélaga auglýsir 2. fulltrúaráðsfund vetrarins þann 29.nóvember.2011 kl 17.30. Á dagskrá er:

a. Upplýsingagjöf varðandi starfsemi félagsins sem af er starfsári og áform um verkefni á nýju ári.
b. Kynning á nýjum starfsmanni LÆF.
c. Umræður um laganefnd LÆF. 

Endilega tilkynnið um hvaða fulltrúi kemur á fundinn frá ykkar aðildarfélagi á netfangið youth@youth.is eða í síma 6624292.

Styrkir úr Æskulýðssjóði Mennta og menningarmálamálaráðuneyti auglýsir eftir umsóknum um styrki úr Æskulýðssjóði sem starfar samkvæmt lögum nr. 70/2007 og reglum nr. 60/2008.
Hlutverk Æskulýðssjóðs er að styrkja eftirtalin verkefni á vegum æskulýðsfélaga og æskulýðssamtaka:
1. Sérstök verkefni sem unnin eru fyrir börn og ungmenni og/eða með virkri þátttöku þeirra. 
2. Þjálfun forystufólks, leiðbeinenda og sjálfboðaliða.
3. Nýjungar og þróunarverkefni. 
4. Samstarfsverkefni æskulýðsfélaga og æskulýðssamtaka. 

Við úthlutun úr Æskulýðssjóði fyrir árið 2011 verður lögð áhersla á umsóknir frá æskulýðsfélögum og æskulýðssamtökum um verkefni er fjalla um mannréttindafræðslu og lýðræðislega þátttöku ungmenna í samfélaginu svo og samstarfsverkefni æskulýðsfélaga og æskulýðssamtaka.




Lesa meira

Landssamband æskulýðsfélaga (LÆF) leitar að framkvæmdarstjóra. LÆF er regnhlífasamtök fyrir æskulýðsfélög á Íslandi með 22 aðdildarfélög.

Megin hlutverk félagsins er að standa vörð um hagi ungs fólks og æskulýðssamtaka. Leitað er eftir ungum og hæfum einstaklingi í starfið. Framkvæmdarstjóri er eini starfsmaður félagsins og er starfshlutfallið 60%. 

Starfssvið 

• Umsjón með daglegum rekstri, heimasíðu og fjármálum félagsins. 
• Samskipti við aðildarfélög, stjórnvöld og erlenda samstarfsaðila. 

Hæfniskröfur

• Háskólamenntun sem nýtist í starfi.
• Góð færni í íslensku og ensku, önnur tungumálakunnátta er kostur. 
• Þekking á íslensku stjórnkerfi og Evrópusamstarfi er æskileg. 
• Reynsla af sjálfboðnu starfi æskileg. 
• Framúrskarandi skipulags- og samskiptahæfni skilyrði. 

Við leitum eftir einstaklingi sem á gott með að vinna sjálfstætt, getur tjáð sig vel í ræðu og riti, hefur frumkvæði og metnað til að ná árangri í starfi. Góðir samskiptahæfileikar eru skilyrði. Reynsla af stjórnun og rekstri félagasamtaka er æskileg. Umsækjandi þarf að hafa hreint sakavottorð. 

Umsóknarfrestur er til og með 24.október.2011. Umsóknum ásamt ferilskrá með mynd skal sendast til Landssambands æskulýðsfélaga, Pósthússtræti 3-5, 101 Reykjavík eða á netfangið youth@youth.is. 

Nánari upplýsingar um starfið veitir Kristín Tómasdóttir í síma 561-1100. 

Fimmtudaginn 27.október.2011 kl 17.15 mun Landssamband æskulýðsfélaga standa fyrir námskeiði um PR-mál. Námskeiðið verður kennt í Hinu Húsinu og er öllum frá aðildarfélögum LÆF að kostnaðarlausu.